Wanagutuika namba ya andu aria maranyitwa ni murimu wa corona virus nwako ithiite na mbere na kwongerereka ,riu kwina ndeto ya gikeno kwona murimu wa Corona Virus nurarigitwa na mundu akavora.
Muthenya wa umunthi andu 674 nimekiritwe kirore kuvora murimu uyu na gukinyia namba ya aria mavorete mwigana wa andu 11,118.Gatagati ka aya andu 125 ni aria mavorerete miciiri na engi 549 makivorera mathivitariri ngurani.
Ndetori ya kieva niati umuthi andu engi 727 nimekiritwe kirore kugwatikana na murimu uyu vai mathaa 24 mavitukite kuuma kwi ithimi 25,138 na gukinyia namba ya andu aria mavutitue ni murimu uyu kuuma giiko kia mbere giekirwa kirore vururi mwigana wa andu 25,138.
A-Kenya nwao mathiite nambere na gutongoria varia monekana andu mwigana wa 711 na akuma nthi cia nja magikorwa ni andu 16.Andu arume nwao matongoretie varia umunthi vururi wandikithia andu arume 539 na atumia 188.
Kwina ndeto ya kieva kwona andu 14 nimakuwa na gukinyia namba ya aria makuite mwigana wa 413.
