Corona Virus updates.

0 13

Andu  mwigana wa  257 nimavorete  vai mathaa 24 mavitukite gatagati ka aya   andu 194 ni aria mavorerete miciiri na engi  62 ni aria mavorerete mavorera thivitari na kwambatariria namba ya aria mavora kwi andu 17,869,kuuma giiko kia mbere giekierwa kirore vururi tariki 13 mweri wa kathatu.

Wauguo andu engi 426 nimanyitikanite na murimu uyu kuuma kwi ithimi mwigana wa   5,158  na gukinyia namba ya aria marwarite vururiri mwigana wa andu 31,441. 

Gatagati ka aya  arwaru raiya a Kenya  ni 417 na akuma vururiri cia nja ni andu 9.Andu arume nwao matongoretie muthenya wa umunthi varia monekana mai 239 na atumia 187.

Na ki miaka uria  munini muno  ni mwana wa mieri ithatu na uria mukuru ni wa miaka 88.Kwina ndeto ya kieva kwona andu 10 nimakuite vai mathaa 24 na gukinyia namba ya aria makuite kwi andu aya mwigana wa  516.

County ya Nairobi nwayo ithiite na mbere na gutongoria varia umunthi yandakithia arwaru 132, Kajiado 63, Kericho 48, Kiambu 24, Machakos 21, Migori 17, Mombasa 16, Laikipia 13, Nakuru na Kisumu 11, Uasin Gishu 10, Tharaka Nithi 8, Nyeri na Busia 7, Kilifi 4, Garissa 3, Nyandarua 3, Isiolo na Embu 2, Kirinyaga,Baringo, na Lamu 1.

Leave A Reply

Your email address will not be published.