Corona Virus Updates.

0 11

Kwa riita ria mbere vai mathaa 24 mavitukite vururi wa Kenya ndwandikithitie gikuu kia murimu wa covid-19 kuuma riria giiko kia mbere kianirirwe tariki 13 mweri wa kathatu mwakari.

Ino ni wariri ministry ya ugima wa mwiri yanirira kuvora kwa  andu engi 66   kumana na murimu wa homa ya Cororna virus na gukinyia namba ya aria  mavorete mwigana wa  andu 19,434. 

Andu 40 gatagati ka aya ni aria mavorerete miciiri na   engi 26 makirekererua   kuma thivitari ngurani.  

Vuva wa ithimi 4,520 andu 228 umunthi nimonekana na murimu wa Corona Virus na gukinyia  namba ya  aria mavutitue ni murimu uyu riu mwigana wa  andu 33,630.

Akenya ni 228 na akuma vururi cia nja ni andu 47,Andu arume ni 152 na atumia ni 89, Uria munini ni ni mwana wa mwaka umwe na uria mukuru ni wa miaka 86.

County ya Nairobi nwayo ithiite na mbere ya gutongoria varia yandakithia andu 113, Mombasa 14, Taita Taveta na Kiambu 10, Kirinyaga na Narok 9, Kajiado 8, Laikipia na Nakuru 7, Uasin Gishu na Turkana 6, Busia na Lamu 5, Trans Nzoia,Kilifi,Kericho na Kakamega 4, Kisumu,Nyeri,Machakos,Makueni,Bomet 2, Kitui,Bungoma, Embu na Nyandarua 1.

Leave A Reply

Your email address will not be published.