COVID -19 -44 DICHARGED FROM HOSPITAL

0 45

Andu mwigana wa  mirongo ina na ana (44 )nimavorete murimu wa covid-19 vai mathaa  mirongo iiri na mana mavitukite  na gukinyia namba ya aria mavorete murimu uyu mwigana wa ngiri inyanya  a  igana ria mirongo itandatu na atano ,kuuma giiko kia mbere kianirirwa vururi  tariki ikumi na ithatu mweri wa kathatu mwakari.

Andu mirongo iiri na ana ni  aria maratungatagirwa micii na mwigana wa mirongo iiri marai thivitariri ngurani.

Namba ino yanirirwa ni minister thiini wa ministry ya ugima wa mwiri Mutahi Kagwe  kuria araumagaranitie na atongoria a vonge itiganite thiini wa ministry ya ugima wa mwiri na minister thiini wa ministry ya uthii James Macharia.

Kagwe wauguo akiuga andu engi Magana mugwanja ma mirongo iiri na athatu (723) nimanyitikana na murimu uyu  vai mathaa mirongo iiri na mana mavitukite  na gukinyia namba ya aria mavutitue ni murimu uyu vururi kuuma giiko kia mbere kianirirwa mwigana wa ngiri mirongo iiri ,Magana matandatu ma mirongo ithatu na atandatu .(20,636)

Ciiko  ino njeru ni cia kuuma kwi ithimi mwigana wa ngiri inyanya Magana matandatu ma mirongo inana na kenda.(8,689).Riu namba ya andu aria mathimitwe vururi makinyite mwigana wa ngiri Magana mathatu ma athatu ,Magana kenda ma mirongo itano na kenda(303,959).

Andu engi ikumi na atandatu nimakuite kumana na murimu uyu wa covid-19 na gukinyia namba ya aria makuite mwigana wa 341.Mutahi akiuga namba iria maranirira ni ya aria mathimite tu  na kwavoteka kwina andu engi muno guku nja arwaru.

Leave A Reply

Your email address will not be published.