DPP Recommends Further Probe Into KEMSA Scandals.

0 6

Mutongoria wa nthitango cia mwingi Noordin Haji niwendekithia utwiria makiria wikwe iguru ria ungumania uria ugumirite ruvua rwa  KEMSA wa billion 7.8.

Haji augite niucoketie filo igii utwiria wa ungumania uyu wa KEMSA kwi Ruvua rwa kuvurana na ungumania guku vururiri Ethics Anti-Corruption Commission (EACC) vuva wa kwona mianya iria ivatie gwicurua niguo aria magwetanitue na ungumania uyu mavote kuthitangwa.

Maavitha a ngathi yeguru ya utwiria aria athurite mathuthuria filo io makiria makiuga kwina maundu mavatie kumurikwa na njira nginyaniru mbere ya makinyo makiria mocetwe.

Kumana na ndumiriri ya mutongoria wa nthitango cia mwingi maavitha aya ake nimakugwatanira na ruvua rwa EACC niguo mamurike maundu mama matigarite niguo nthitango ivingurwe.

Kavinda wakau  muthathauri wa utumiri wa mbeca cia mwingi niwavecanite ripoti yake kwi kiamiti ya mwanya ya kumurika maundu ma Covid varia yonanagia makiria ma kambuni inya niciarivirwe billion 1.3 niguo menderie ruvua rwa Kemsa indo cia kuvurana na murimu wa Covid 19.indo ino iria itai nvitukie kwi budget ya vururi igii kuramata murimu wa covid 19.

Kambuni imwe thiini wa ripoti ino ikionekana ikoretwe ikuruta wira rungu rwa kavinda ka mwaka umwe.

Ruvua rwa EACC nirwendekithitie andu atandatu a ruvua ruru rwa KEMSA mavingurirwe nthitango cia ungumania umwe wao ai uria waii avitha munene wa KEMSA Jonah Manjari.

Leave A Reply

Your email address will not be published.