EMBU RECEIVES 18 ICU BEDS.

0 17

Thirikari ya county ya Embu County niyamukira itanda ikumi na inyanya cia ICU na itanda inya cia mwanya cia mwigana wa million ithatu.Itanda ino irarutirwe ni Family Bank magwatanirite na Megascope Healthcare na matumira mwigana wa siringi million ithatu.Governor wa Embu Martin Nyagah Wambora akiaria ai mwena wa thivitari ya Embu level5 varia akwamukagira indo ino,augite thivitari ino irai na itanda magana mairi na inyanya na ciingi igana rimwe ria mirongo kenda na ithathatu ivatie gukinya kiumia giuku na gukinyia namba ya itanda ino kwi magana mana ma inya.Akiongerera augite thivitari ino ina itanda ikumi na inya cia ICU na uguo nimevararatie muno kuruwa na murimu kimiri wa COVID-19.Wavo Wambora niuratie ekari a Embu kurumirira watho uria wavesanirwe ni thirikari kuvitukira Ministry ya ugima wa mwiri niguo kwona nimaregitira murimu wa Corona Virus ta kwithamba njara na mai ma thavuni,gwikira turembeko,na kwithema na ikundi kana mwingi.Avitha munene wa Family bank Rebecca Mbithi augite naracokeria thirikari ya county ya Embu ngatho nundu wa kuvararia kundu gwa gutenga andu nigukorwa nimona gwa kwiga itanda.Rebecca augite gitumi kiao gwika giko giki ni kwonerera nimaranyitanira na thirikari ya Embu mavinda mama kwina murimu wa Corona Virus.

Leave A Reply

Your email address will not be published.