Embu Registers 20 New Corona Virus Cases For The Past 24hrs.

0 19

Andu mwigana wa 20 nimekiritwe kirore gukorwa na murimu wa Covid-19 county ya Embu vai andu 442 aria mekirwa kirore kuuma kwi ithimi 5,327 vai mathaa 24 mavitukite.
Ino riu igikinyia namba ya aria mekiritwe kirore gukorwa na murimu uyu mwigana wa 40,620 kuuma giiko kia mbere giekirwa kirore vururi.
Vai arwaru aya A-kenya ni 419 na akuma vururi cia nja ni andu 23. Andu arume ni 286 na Atumia ni 156,Uria munini ni mwana wa miaka ithatu na uria mukuru muno aina miaka 86 .
Wauguo andu mwigana wa 166 nimekirwa kirore kuvora murimu wa covid -19 muthenya wa umuthi na gukinyia namba ya aria mavorete mwigana 30,876. 140 mavorera mucii na 26 marekereruwa kuma thivitari ngurani.
Wavo county itiganite niciandikithia arwaru matiganite a murimu wa Corona Virus Nakuru 94, Nairobi 80, Mombasa 47, Uasin Gishu 22, Kisumu ikiandikithia arwaru 20 ta county ya Embu, Turkana 18, Meru 15, Trans Nzoia 14, Kisii 13, Garissa na Kilifi 12, Siaya na Kajiado 11, Baringo,Kiambu na Kericho 10, Taita Taveta 4, Kwale,Migori, Machakos,Nandi na Vihiga 2, Bungoma,Elgeyo Marakwet,West Pokot ,Nyandarua,Kitui,Kirinyaga,Murang’a,Kakamega na Bomet 1.

Leave A Reply

Your email address will not be published.