Fuel Prices Expected To Increase.

0 10

Gwakavinda riu atwarithia a indo ivuthagira maguta nimathiite na mbere kuvinyiririka ni uria mbei cia maguta ithiite na mbere kwongerereka.

Igikinyaga thaa thita cia utuku muthenya wa umunthi maundu timakorwa magicenjia varia mbei ya petrol ikwongerereka na ciringi 3.47  na diesel irevokwa kwongerereka  na  na ciringi 2.78.

Avuthiri a maguta mataa nio magukorwa na kavinda kaumu makiria varia bei cia maguta mataa irevokwa kwongerereka na ciringi 18.20

Kuringana na  ruvonge  rwa  kuramata   mbei ya maguta vururi  niruo (The Energy and Petroleum Regulatory Authority) (EPRA) ndeto ino yumanite na kwongerereka kwa mbei ya maguta maria maragurwa kuuma nja ya vururi kuria petroli yongererekete na gicunji kia 14.68  vai igana igikinyia mweri muthiru na diesel ikiongerereka na gicunji kia 10.3vai igana

Uguri uyu wa maguta wauguo nuviririte mbei ya maguta ma taa yongerereke na gicunji kia 127.87

Maguta ma diesel riu makivokwa kwendua ciringi 94.63 kuma kwi ciringi 91.87 namo maguta mata makiuma ciringi 65.45 na kwongererka nginya ciringi 83.65

Mbei ino kuthii iguru ni kumana na kwongerereka kwa  vata ya maguta matai makamure,vuva ya mikana iria yekiritwe ya kuvurana na gutamba kwa murimu wa corona virus kwambiriria kurutwa icigori itiganite nthi ngima.

Kwongerereka kwa mbei ino gukivokwa riu nginya kuvutia mu-Kenya na njira nene. 

Leave A Reply

Your email address will not be published.