INTERNATIONAL FLIGHTS EXPECTED TO RESUME TOMORROW.

0 44

Aria marathii nja ya vururi makavatarikaga gwicuria form cia mwanya mbere ya mambitie thavari ciao niguo kwonekana kana maina ugima mwega wa mwiri  na matie na murimu wa covid -19.

Miario ino ni ya director wa utungata wa ugima wa mwiri wa mwingi Dr Koki Mutua akiaria vindi iria minister wa ugima wa mwiri akurekagiriria ndumiriri igie maumirira ma murimu wa covid -19 muthenya wa umuthi.

Dr.Koki akiuga aria marathii nja magakoragwa na namba ya mwanya iria magakoragwa makirumirirua nayo mundu angirega kuvingia mawatho maria mekiritwe ta gutuma ndumiriri cia urugari wa muthenya.

Vururi wa  China, Canada, Japan ,  Rwanda,Ethiopia na Uganda  ni mamwe ma mavururi 11 na umwe maria metikiritue kwambiriria thavari vururi kwambiriria muthenya wa ruciu.

Mutaratara wa mavururi mama urarekererue ni minister thiini wa ministry ya uthii James Macharia .Mavururi mengi ni vamwe na  South Korea, Zimbabwe, France, Morocco na Namibia.

Macharia akiuga mavururi mama nimonanitie namba nini ya murimu uyu wa covid 19 gutamba na  nimo tu makwamba gwitikiria athii guka vururi.

Wauguo akiuga athii aria magakinyaga mathaa ma  mwiyugo kana curfew maimakinyu ,nwanginya makarutaga tigiti ciao marugamua ni maavitha a vorithi aria maratigirira  watho uyu nuravingua.

Wauguo akiuga wana dereva cia taxi ikavatarikaga kwonania uira wa gukorwa marai iwanjari cia ndege kugira athii mangivitukia mathaa ma curfew .

Wauguo akiuga athii aria makinya makavatarikaga kuvecana  certificate cia kwonania nimathimitwe murimu wa covid-19,akiuga ageni aria makinya na urugari wao wi nthi ya degree 37.5 na matirakorora muno kana mathina ma kuveva matikavatarikaga gwitenga mithenya 14 iria yamurithitue ni ministry ya ugima wa mwiri.

Macharia akiuria a-Kenya aria marathii nja ya vururi gukorwa makimenya mawatho megie murimu wa covid-19  ma   mavururi maria marathii

INSERT CS MACHARIA FLIGHTS

ReplyForward

Leave A Reply

Your email address will not be published.