Murandi uria ukoretwe uthiururukitwe ni thagathaga wa ciringi bilion 63 uria wetagwa Managed Equipment Service (MES) niwiritwe riiu wari murandii wa turia neme.

Murandi uyu uria warugurirue ni mutongoria wa vururi  Uhuru Kenyatta mweri wa kairi mwaka wa 2015 na uria kavindari kau waregetwe ni magavana matongoretue ni mutongoria wao wa kavindari kau Isaac Ruto niukoretwe ugumiritwe ni motuiria mengi guku avakuvi gutuiria murandi uyu ari kamiti ya senate.

Kamiti ino ya senate ikivecana maumirira ma utuiria wao muthenya wa igoro  vuva wa mwaka umwe wa utuiria nimaugite murandi uyu wa MES wanathengia ya gukorwa wari murandi wa gutethia mwingi andu aria maverwe mikana ya kuukinyaniria nimarugire mawatho ma gatiba na mitaratara ya urutiwira.

Kunari uguo kamiti ino niraregire kugweta andu kiumbe nwati kuria ruvua rwa kurua na ungumania EACC gwika utuiria makiria.