WTO LEADERSHIP CONTENDERS START TO STRUT THEIR STUFF.

0 11
World Trade Organization | Land Portal | Securing Land Rights ...

Andu anana aria  maravuranira giti kia mwenegiti wamungano  wa kurongoiya  biacara cia  kimavururi, nimagukorwa magika igeranio cia dagika 15 gwitetera nikih magirire gwoca giti kiu mbere ya mavururi igana rimwe ria mirongo itandatu na ana, amemba a mungano uyu vuva wa uguo meke kingi kia dagika mirongo mugwanja na ithano gutariria muvango wao maundu megii  biacara cia kimavururi.

Vuva wa kuthengutua kageci karaca na njira ya kwigucanira kuma mweri wa kenda uria ukamurwa gwoca giti kiu agakorwa na wira wa gutethia gukiirira kwa biacara cia kimavururi kavinda gaka ivaguritwe ni mututhuko wa murimu wa corona virus.

Woguo mwenegiti ucio agakorwa akivokwa gutethia kunyivia na kuthiria mbukaaniriro ya vururi wa  china na America uria ukoretwe kuo gwa kavinda riu niguo gutethia uthii wa nambere wa biacara  gatagati ka vururi icio igiri.

Aria maravuranira giti kiu ni ni andu athatu kuma gitaru kia Africa ,airi kuma gitaru kia Europe ,airi kuma gitaru kia asia, na umwe kuma  itaru cia America

Athatu acio a Africa ni uria wai munene wa ruvonge rwa kigina na maundu mananja ma vururi wa Nigeria ngozi okonjo, uria wai barothi wa vururi wa Egypt Hamid Mamdouh na  uria wai director wa kurugamirira maundu ma wonjoria munganori ucio kuma kenya Amina Mohamed.

Kuma gitaru kia Europe ni Mwandiki wa mbere wa maundu ma wonjoria vururi wa Britain kuma mauma mungano wa ruraya na uria wai munene wa ruvonge rwa maundu ma kuma na nja ma vururi wa Moldovan Tudor Ulianovschi .

 Kuma gitaru kia asia kwina munene wa ruvonge rwa biacara vururi wa southkorea Yoo Myung-hee na  minister wa utonga wa vururi wa saudia arabia Mohammed al-Tuwaijri na wa gitaru kia Europe ni uria wai munini wa director wa mungano uyu kuma gicigo kia mexico Jesus Seade Kuri

Amina muhammed agekinyia mbere ya mungano ucio muthenya wa jumaa gwitetera. kavinda wakau munene wa vururi wa kenya uhuru kenyatta akimugwata mbaru  niugite ati amina ni mundu ungivota gutongoria mungano ucio na gutethia uthii na mbere wa biacara cia kimavururi kavinda gaka ka murimu wa corona virus akiongerera ati ni kavinda riu mungano ucio utongorue ni mundu kuma gitaru kia Africa.

Kuma mungano uyu wathondekirwe mwaka wa ngiri imwe Magana kenda na mirongo kenda na ithano ukoretwe ugitongorua ni andu akuma Europe, Oceania, Asia and South America.

 Anana aya maravuranira giti kia  Roberto Azevedo wa kuma vururi wa Brazil uria urarugamire wira mwaka umwe mbere ya kavinda gake kuthira.

Leave A Reply

Your email address will not be published.