COVID 19 UPDATES

0 18

Vururi wa Kenya niwandikithitie arwaru a corona magana mana ma mirongo ina na mugwanja na gukinyia namba ya aria mavutitue ni murimu uyu kuuma riria watuthukire mwigana wa ngiri inyanya na magana kenda ma mirongo mugwanja na atano.Andu arume makionekana tao maravinyirirua muno ni murimu wa corona virus kwona andu arume magana mairi ma mirongo inana nimarwarite , atumia mai igana ria mirongo itandatu na mugwanja.Gatagati ga ciiko ino njeru uria munini muno ni wa mwaka umwe na uria mukuru wa miaka mirongo inana na inana.Kunai uguo kwina mwivoko vuva ya andu mirongo itandatu na ana kuvora na gwitikirua kwinuka na gukinyia namba ya aria mavorete vururi ngiri igiri na magana matandatu ma mirongo itano na mugwanja.Kwina ndeto ya kieva kwona andu ana nimarikitie gukua na gukinyia namba ya aria makuite nginya igana ria mirongo mugwanja na athatu

Leave A Reply

Your email address will not be published.