COVID-19 UPDATES.

0 66


Kwina ndeto ya gikeno kwona murimu uyu wa homa ya Corona Virus nurarigitwa na kuvora.Muthenya wa umunthi andu engi 311magikirwa kirore kuvora na gukinyia namba ya aria mavorete andu 7,446.Aria mavorerete micii mai andu 166 na aria marekererua kuma mathivitari ngurani ni andu 145.
Wauguo vai mathaa 24 mavitukite andu aceru mwigana wa 667 nimanyitikanite na murimu uyu kuuma kwi ithimi 5075l na gukinyia namba aya aria mavutitue ni murimu uyu mwigana wa 16268.Vai andu aya A-Kenya ni andu 657 na akuma vururi cia nja ni andu 10.
Andu arume nao mathiite nambere na gutongoria varia moneka 393 na atumia 274.Uria munini ni mwana wa mweri umwe na uria mukuru ni wa miaka 92.
County itiganite riu niciandikithitie arwaru a Corona Virus mithenya mivituku.County ya Nairobi nwayo ithiite nambere na gutongoria na arwaru 387, ikirumirirwa ni county ya Kajiado na arwaru 79, Machakos 47, kiambu 40 na Mombasa 26.
Wavo kwina ndeto ya kieva kwona vai mathaa 24 andu ikumi na umwe nimakuite na gukinyia namba ya aria makuite 274.
Munini wa Minister wa ugima wa mwiri CAS Mercy Mwangangi akivecana ndumiriri ya maumirira mama ma Corona Virus umunthi,niuritie aciari gukorwa makimenyerera ciana ciao na kumava irio iria ciagirire niguo makure wega matakuthinua ni mirimu itiganite ta mavagi.

Leave A Reply

Your email address will not be published.