Garissa Governor Ali Korane locked up in EACC cells over graft case.

0 8

Governor wa Garissa Ali Korane niurarite rumande utuku wa kuramukira umunthi eterere kuvingurirwa nthitango cia nguruvanio ya ungumania.

Korane arevoketwe kuvingurirwa nthitango muthenya wa igoro ya matumiri macuku ma mbeca mwigana wa ciringi Ksh.233 million mbeca iria ciavecanitwe ni World Bank nwati igoti riatiria magambo mau.

Uguo niuvingiritwe rumanderi rwa ruvua rwa kuvurana na ungumania EACC nyombari yao nene miciiri wa Nairobi.

Thiini wa rivoti iria yarekererue kiumia kithiru muthenya wa aramisi ,mutongoria wa nthitango cia mwingi DPP niwaugire  Governor Korane na andu engi ana nimaungumanirie makiria ma ciringi Ksh.233,506,000 iroa ciavecanitwe ni World Bank rungu rwa muvango wa ukuria wa icagi matauniri ma guku vururiri wa Kenya  kana Kenya Urban Support program.

Aria engi makuruvanitue na ungumania uyu ni vamwe na Ibrahim Malow Nur, uria niavitha munene wa kigina wa county, Mohamed Ahmed Abdullahi, uria ni mutongoria kigina, Abdi Shale, uria nike munene wa muthuvari wa Garissa na  Ahmed Abdullahi Aden,uria nike munene wa mathavu wa muthuvari ucio wa Garissa.

Atano aya nimavingurirwa nthitango cia matumiri macuku ma mbeca cia mwingi, mavitia mengi makonii kuthukangia utonga, matumiri macuku ma ovici na kwambiriria mirandi gutari kurumirira mitaratara na watho.

 

 

Leave A Reply

Your email address will not be published.