Murigitani wa gikiro kia nurse Marian Awuor Adumbo, uria wakwire kumana na murimuwa Corona Virus kiumia kimwe kuma agia mwana,nuvurukitue muthenya wa umunthi,musyi gwake iturari ria Nyang’iela village, Rachuonyo sub-county, Homa Bay.
Ms. Awuor ni umwe wa arigitani ikumi aria mamatikanite na murimu wa COVID-19 mai wirari wa kwamukira na kurigita arwaru guku vururiri.
Arata na andu a mucii aria mekinyirie kumuvurukia makiuga arai mundu mwirutiri muno na njorua wirari wake makaria mwena wa kuruwa na murimu wa homa ya Corona Virus. Ms. Adumbo,uria wai murigitani wa gikiro kia Nurse thivitari ya sub-county ya Rachuonyo, akomire thivitari ya County ya aina ndariri cia homa na vuva wa kuthimwa akionekana na murimu wa Corona Virus.Nivo atwikire wa gukandwa na akigia umu wa kuveva agitwarwa thivitari ya Referral ya Kisii,kuria akuirire.
