Raila Odinga on Maraga’s advice to Uhuru.

0 10

Mutongoria wa kiama kia uteti kia ODM Raila Odinga niuritie rais Uhuru Kenyatta kwamba gucaria mataaro na urikiru mbere ya kwamura ndeto igii mataaro maria avetue ni jaji munene David Maraga , na uria uritie rais Uhuru kutharia bunge yaremwa ni kuvitukia ndereti ya wigananu wa arume na atumia.

Kuringana na ndumiriri iria arekereria umunthi Raila Odinga niwendekithitie undu uyu kugwatithanua na kura ya mawoni niguo mwingi urute wamuri na kuga kwina vata wa ndeto ino gwikarirwa nthi na kwaririrua, Raila niugite mataro mama ma jaji munene kwi rais nimaigite vururi na mwingi wa vururi ngucaniorinene ya kigatiba na uteti undu ukuvatara gukinyukua na wagiririku munene wa kwaraniria mbere ya wamuri gukinyanirua.

Vururi uyu wikorete vaceke vuva wa wendekithia wa kutharia bunge vuva wa bunge ino kuremwa kuvitukia watho wa kuramata wigananu wa arume na atumia guku vururiri na gutina utheri wa kwigana kwi uria bunge ikuvota kuramata ndeto ino.

Mau makithinambere raiya airi nimerekerete igotiri rinene kuregana na mataro ma jaji munene Maraga kwi rais uhuru akimuria atharie bunge. Leina Konchela na Abdula Munsar, marenda undu uyu gutecanirua makiuga timwiciririe waro, na ni kivingica.

Leave A Reply

Your email address will not be published.